Enmé
Enmé
Enmé, sé dé ti tan dousin nou ka pasé ansanm. Sé detwa lè silans nou ka viv ké dan ké. Sé on ti flé you ba-w pas sé fet a manman. Sé bo-la ou la pwen là lè Bazil chayé-w monté, anan yo fèmé simosoplanch a-w.
Enmé, sé rantré on koté é dit toutmoun bonjou. Sé tiri-la ou la ofé moun-la kwazé la menmsi ou pa konnèt-li. Sé dé ti mokozé ou ka chanjé é tala ki an lari-la. Sé doubout pou ou pé ba granmoun sizé. Sé respè ou ka ni pou kelanswa moun-la
Enmé, sél lé ou ka paré on moun i kay tonbé. Sé lé ou ka levé on moun i ja atè. Sé fos ou ka poté pousa i adan penn. Sé démélé sa zafè a-yo tibwen pli rèd ki ta-w. Sé rann lézot sévis sans sonjé sa pé ba-w maldo.
Enmé, sé mèsi ou sa di moun ki ba-w on pal. Sé padon ou sa mandé on moun ou fé la penn. Sé vwé sans vwé, tann san tann mé toujou alé douvan. Pou fanmi a-w, pou zanmi a-w, pou pèp a-w, pou voumenn a-w.
Silvian TÈLCHID
Aimer,
Aimer, s'est un temps de douceur que l'on passe ensemble. Se sont ces petits moments passés ensemble (où nous sommes coeur dans coeur). C'est une fleur pour la fête de la mère. Les beaux baisers que je te donne jusqu'à la mort.
Aimer, c'est rentrer et dire bonjour à tout le monde (...)
Aimer, c'est paré à la chute de quelqu'un, c'est faire, sans compter sa peine. C'est rendre service aux autres sans se ménager.
Aimer, c'est pardonner ou demander pardon à quelqu'un qui a fait de la peine. C'est voir sans voir, c'est entendre sans entendre mais toujours aller de l'avant pour sa famille, pour ses amis, pour son peuple, pour soi-même.